Што означат слово «лем» і одкаль ся взяла назва Лемкы?

Єдным з найбарже характеристичных слів в лемківскым языку єст слово «лем» (czyt. łem). В языку Лемків означат оно „tylko”, „jedynie”. Сесе слово, хоц просте, набрало выняткового значыня в істориі і культурі той соспільности, понеже стало ся основом назвы цілой етнічной ґрупы.

«Лeм» – слово штоденности

Лемкы в давных часах в своіх бесідах барз часто хоснували слово «лем». Мож речы, же было оно єдным з іх улюбленых і найчастійше повторюваных слів. Речыня в лемківскым языку нерідко зачынали ся або кінчыли як раз тым словом, што выріжняло спосіб бесідуваня на фоні сусідніх етнічных ґруп.

Одкаль назва Лемкы?

о як раз тото характеристичне часте хоснуваня слова «лем» спричынило, же сусіды зачали называти тоту ґрупу Лемками, значыт тыма, котры фурт бесідуют «лем». Сама назва має адже своє джерело в языковій специфіці і была надана ззовни, як окрисліня одріжняюче Лемків од інчых Русинів.

Давны назвы – Русины і Руснакы

Вартат памятати, же назва «Лемкы» явила ся односно пізно.. Перше тото населіня окрисляло ся і было окрисляне інчыма як Русины або Руснакы. Терміны тоты підкрисляли приналежніст до шырокой руской спільноты, обнимаючой жытелів ріжных части Карпат і обшыри давной Руси.

Достоменніст Лемків

Назва «Лемкы» приняла ся з часом і стала ся етнонімом, значыт самоокрисліньом. Днес єст символом достоменности ґрупы польскых Русинів, котры од віків прожывали на обшыри Низкого і части Сандецкого Бескідів, і Бєщадів. Треба підкрислити, же Лемкы не сут і николи не были Украінцями - мают свою окрему історию, культуру, язык і достоменніст.